Выкананне бюджэту Саюзнай дзяржавы сёння абмяркоўвалі Камітэт дзяржкантролю Беларусі і Падліковая палата Расіі

Падчас відэаканферэнцыі было заяўлена, што за 2017 год ён выкананы, але ёсць недапрацоўкі. Захаваўся астатак сродкаў, што гаворыць пра дастаткова нізкі ўзровень асваення выдзеленых грошай.

Адна з прычын прафіцыту бюджэту, гавораць эксперты, працяглае зацвярджэнне і распрацоўка праграм Саюзнай дзяржавы. Тры праекты былі ўзгодненыя толькі ў снежні 2017. Усяго за мінулы год рэалізавана 9 праграм Саюзнай дзяржавы.