Вынікі конкурсу "Лідары прамысловасці Рэспублікі Беларусь - 2024" падведзены на канферэнцыі "Прамысловы комплекс Беларусі ў Год якасці"

Усе ўмовы для малога і сярэдняга бізнесу. Асаблівая ўвага прадпрыемствам, якія накіраваны на выпуск інавацыйнай прадукцыі на экспарт. Пра гэта 29 мая заявілі на канферэнцыі "Прамысловы комплекс Беларусі ў Год якасці".

Мерапрыемства аб'яднала экспертаў АПК, машынабудавання, электронікі і хіміі. Тут жа падвялі вынікі рэспубліканскага конкурсу "Лідары прамысловасці Рэспублікі Беларусь". Гран-пры ў холдынга "Інтэграл". Лаўрэаты прэзентавалі і новыя інвестпраекты.

Гэта ўжо другі конкурс "Лідары прамысловасці Рэспублікі Беларусь". Сёлета яго ўдзельнікамі сталі больш за 70 прадпрыемстваў з усіх рэгіёнаў краіны.