Як эфектыўна прадаваць за мяжу? Агрэсіўна! - перакананы беларускі Прэзідэнт

Стратэгію і тактыку паставак айчыннай прадукцыі, у тым ліку калійных угнаенняў абмеркавалі на вялікай нарадзе.

Беларусь працягвае ўпэўнена працаваць на міжнародных рынках. Беларускі экспарт, больш дакладна, яго ўмовы, праблемы і рашэнні сёння сталі тэмай нарады ў Палацы Незалежнасці.

Калі ў цэлым, то сітуацыя застаецца стабільнай. Нягледзячы на тое што зусім нядаўна беларусам даводзілася экстранна шукаць новыя перавалачныя пункты для грузаў, выслухваць новыя ўмовы па старых кантрактах і ў прынцыпе пераарыентавацца ва ўмовах санкцыі, гэта атрымалася зрабіць.

Расія стала вялізным рынкам па суседстве, які пастаянна хоча купляць больш і больш. 65 % усяго беларускага экспарту сёння - гэта продажы на Усход.

Актывізавалася і далёкая дуга: азіяцкія, кітайскія і вось зараз наладжваюцца афрыканскія кантракты. Беларусы працуюць з усімі.

Адсюль пытанне лагістыкі і разлікаў. Як хутчэй везці і прасцей разлічвацца? Сёння размова ішла і пра чыгунку, і марскія парты, і пра банкаўскую сферу. Шмат наладжана, скажа Прэзідэнт, але трэба рухацца.

Праблемнымі пытаннямі зараз зоймецца асобная экспертная група па экспарце. Пра яе стварэнне сёння таксама ішла размова. Працягне Кацярына Круталевіч (відэа).