Кітайская правінцыя Гуандун і цэнтральны рэгіён Беларусі ўмацоўваюць супрацоўніцтва

Самая багатая правінцыя Кітая - Гуандун - умацоўвае супрацоўніцтва з цэнтральным рэгіёнам Беларусі! У дэлегацыі з Паднябеснай разам з кіраўніцтвам правінцыі Гуандун прыбылі і дырэктары буйных кампаній па вытворчасці электронікі, тэлекамунікацый, а таксама харчовай прамысловасці.

Акрамя таго, у напрамку Кітая прадпрыемствы Мінскай вобласці плануюць накіраваць вялікія патокі харчовай прадукцыі: усе кампаніі цэнтральнага рэгіёна ўжо маюць дазвол на пастаўкі сваіх тавараў на рынак Паднябеснай. Кантэйнеры плануюць пастаўляць па Новым Шаўковым шляху з дапамогай чыгункі. Першы грузавы цягнік праехаў па гэтым маршруце сёлета ў ліпені.

Пагадненне аб супрацоўніцтве паміж правінцыяй Гуандун і Мінскай вобласцю было падпісана яшчэ ў 2012 годзе. Гэты кітайскі рэгіён з'яўляецца адным з галоўных фінансавых цэнтраў Паднябеснай - менавіта тут размясцілі свае вытворчасці такія кампаніі-гіганты, як “Хуавэй”, ZTE і іншыя.