Калегія Мытнага камітэта Саюзнай дзяржавы абмеркавала новыя механізмы працы

Інтэлектуальная платформа для кантролю за міжнароднымі паштовымі адпраўленнямі можа з'явіцца ў Беларусі і Расіі. Гэтае пытанне разгледзела калегія Мытнага камітэта Саюзнай дзяржавы. Паток інтэрнэт-гандлю ў апошнія гады вырас у некалькі разоў. І зараз патрэбна новая сістэма для кантролю плацяжоў за адпраўленні і прадухілення ўвозу забароненых прадметаў. Лічбавыя рашэнні закрануць і палажэнні Мытнага кодэкса ЕАЭС.

Абмеркавалі і неабходнасць укаранення механізму беспапяровага гандлю па прынцыпе "адно акно". Гэта дапаможа аптымізаваць тэхналогіі і палепшыць якасць працы мытных службаў.