Калектыву прадставілі Канстанціна Шульгана, новага міністра сувязі і інфарматызацыі

У фокусе ўвагі Міністэрства сувязі павінна быць лічбавізацыя ўсёй эканомікі краіны: ад "Індустрыі 4.0" у прамысловасці і дакладнага земляробства ў сельскай гаспадарцы да электроннай медыцыны. Гэта заявіў першы віцэ-прэм'ер Беларусі, прадстаўляючы калектыву новага міністра сувязі і інфарматызацыі. Канстанцін Шульган раней займаў пасаду ў аператыўна-аналітычным цэнтры пры Прэзідэнце. Дарэчы, менавіта гэтаму цэнтру былі дадзены паўнамоцтвы па стварэнні электроннага ўрада. Аляксандр Турчын нагадаў: паўтара года таму Кіраўнік дзяржавы аб'явіў курс на пабудову IT-краіны. Многае ўжо зроблена. Прыняты рэвалюцыйны дэкрэт аб лічбавай эканоміцы. Дзякуючы дакументу экспарт паслуг у Парку высокіх тэхналогій упершыню перавысіў мільярд долараў, значна павялічылася колькасць рэзідэнтаў і цікавасць да IT-краіны толькі расце. Новы міністр павінен гэты курс прадоўжыць.

Ключавая задача новага міністра і ўсяго ведамства - пераадолець галіновую інерцыю, адзначыў першы віцэ-прэм'ер. Важна не ўкараненне электроннага дакументаабароту, а паўнавартасны пераход на новыя лічбавыя тэхналогіі і вытворчыя мадэлі.