Л.Анфімаў: Аршанскаму інструментальнаму заводу патрэбнае поўнае тэхнічнае пераабсталяванне

Аршанскаму інструментальнаму заводу патрэбнае поўнае тэхнічнае пераабсталяванне, арыентаванае на выпуск інавацыйнай прадукцыі. Аб гэтым заявіў старшыня Камітэта дзяржкантролю Леанід Анфімаў падчас паездкі ў Віцебскую вобласць. Сярод набалелых пытанняў прадпрыемства і недахоп кваліфікаваных кадраў. Завод востра мае патрэбу ў токарах, фрэзероўшчыках, шліфоўшчыках. Кіраўнік кантралюючага ведамства адзначыў, што праблемныя пытанні прадпрыемства неабходна вырашаць толькі ў комплексе.

Леанід Анфімаў наведаў і завод "Лёгмаш". Летась ён спрацаваў без страт, прадукцыя запатрабаваная. Тут распрацаваны бізнес-план да 2023 года, які ўключае адразу некалькі стратэгічных кірункаў развіцця. Стаўку робяць, у тым ліку, на вытворчасць абсталявання для нафтагазавай прамысловасці.