3.69 BYN
2.98 BYN
3.47 BYN
Лукашэнка: На базе старых і неэфектыўных гаспадарак трэба ствараць новыя сельгаспрадпрыемствы
На базе старых і неэфектыўных гаспадарак трэба ствараць новыя сельгаспрадпрыемствы, хоць гэта і нятанна. На гэта 2 жніўня звярнуў увагу Прэзідэнт Аляксандр Лукашэнка падчас рабочай паездкі ў Мядзельскі раён. Кіраўнік дзяржавы працягвае серыю наведванняў рэгіёнаў, падчас якіх у цэнтры ўвагі пытанні ўборачнай кампаніі і развіцця сельскагаспадарчай сферы ў цэлым. Беларускі лідар знаёміцца з вопытам стварэння з нуля пілотнага праекта сельскагаспадарчай арганізацыі, якая эфектыўна функцыянуе. Філіял "Мінскаблаграсервіса" і ёсць той самы эталонны супертэхналагічны мехдвор і магутны зернесушыльны комплекс. Праект павінен развеяць міф аб неперспектыўнасці паўночных земляў рэспублікі і даць штуршок развіццю ўсяго Мядзельскага раёна. У цэнтры ўвагі Прэзідэнта таксама ход уборачнай у краіне.
Прэзідэнт яшчэ раз акцэнтаваў важнасць Мінскай вобласці для развіцця краіны ў цэлым, у тым ліку ў АПК. Таму сельгасвытворчасць у рэгіёне важна давесці да высокага ўзроўню. Неабходна залучаць у абарот нявыкарыстаныя землі.
Пры гэтым трэба памятаць пра сацыяльную сферу, якая дасягае высокага ўзроўню якасці жыцця, калі і эканоміка раёна на вышыні. Усе астатнія падрабязнасці рабочай паездкі Прэзідэнта - у нашых наступных выпусках.