Лукашэнка аб санкцыях: Цяжкасці не падстава для панікі

Новыя падыходы да эканамічнай палітыкі на найбліжэйшыя паўтара года. На нарадзе ў Прэзідэнта абмяркоўваюць актуальныя ў санкцыйных рэаліях меры.

На парадку - праект закона. Перад тым, як накіраваць яго ў парламент, важна прыняць канчатковае рашэнне па спрэчных пытаннях. А яны ёсць. Палажэнні дакумента закранаюць практычна ўсе сферы: ад інвестыцый да сацыяльных гарантый насельніцтву. Знешнія бар'еры ўплываюць на ўсіх, у прыватнасці, з цяжкасцямі сутыкаюцца буйныя прадпрыемствы, якія вымушаны перабудоўваць звыклыя этапы вытворчага працэсу.

Рашэнне ў пераарыентацыі экспарту з Украіны і ЕС у Расію і Азію. А таксама жорсткая эканомія і агрэсіўнае імпартазамяшчэнне. Эфектыўнасць працы гэтай формулы шмат у чым залежыць ад тэрмінаў рэалізацыі. Таму да працы павінны далучыцца на ўсіх узроўнях.

Галоўная мэта законапраекта - даць магчымасць людзям спакойна працаваць і мінімізаваць уплыў санкцый на грамадства. Таксама дакумент накіраваны на абарону дзяржаўных інтарэсаў і ўмацаванне эканамічнай бяспекі.