Планаванне стратэгічных праектаў абмяркоўваюць на нарадзе ў Лукашэнкі

Пралічваць перспектывы развіцця нацыянальнай эканомікі, а ў выніку - краіны. Гэтага патрабуе Прэзідэнт ад урада, мясцовай вертыкалі ўлады і навукоўцаў. У Палацы Незалежнасці сёння абмяркоўваюць планаванне стратэгічных праектаў.

Гэта важная частка эканамічнай палітыкі краіны, перакананы Аляксандр Лукашэнка. Ад якаснай прапрацоўкі буйных праектаў і іх рэалізацыі залежыць будучыня дзяржавы. Таму пралікаў у гэтай сферы быць не можа! Пры гэтым важныя не толькі ідэя і ўвасабленне, але і гарантаванае атрыманне эканамічнага эфекту. Кантроль Прэзідэнт абяцае жорсткі. Дзеючая сістэма не ідэальная - ёсць дэфіцыт і ў прарыўных ідэях, і ў рэалізацыі ініцыятыў на месцах.

Сістэму трэба ўдасканальваць і прапанаваць вывераны і комплексны падыход - гэта пазіцыя кіраўніка дзяржавы. Сёння ў нашай краіне працуе цэлая сетка даследчых інстытутаў, працуе Акадэмія навук. Але ўвасабленне прац навукоўцаў адкрыта кульгае, а сапраўды прыкметных прарыўных праектаў - адзінкі. Ды і тыя з'явіліся з падачы Прэзідэнта. Пытанні выклікае і рэалізацыя ўжо дзеючых.

Аляксандр Лукашэнка прывёў у прыклад працу Светлагорскага цэлюлознага камбіната, дзе можна атрымліваць прадукты з большым дабаўленым коштам. Але галоўнае сёння - ствараць новыя буйныя вытворчасці. Так, у прапрацоўцы пашырэнне патэнцыялу атамнай энергетыкі, а ў цэлым краіне трэба так званае мазгавое ядро, здольнае ацаніць і курыраваць маштабныя праекты - вызначаць вектары развіцця вытворчасцяў, фарміраваць партфель праектаў, кантраляваць іх прасоўванне.Гэта было даручэннем Прэзідэнта. Пры гэтым Аляксандр Лукашэнка патрабуе не ствараць новыя структуры і цэнтры, а тым больш асобнае міністэрства. Варта арганізаваць у адзіны кулак, тое, што ўжо існуе. Прычым перакладаць адказнасць толькі на ўрад не стануць. Губернатары ў гэтым працэсе таксама павінны быць актыўнымі ўдзельнікамі, а не проста назіральнікамі.