Мінская вобласць рыхтуецца да масавай уборкі

План сезона - 2 мільёны тон збожжа. Працяглыя дажджы ліквідавалі дэфіцыт вільгаці ў глебе, які ўтварыўся за май і чэрвень. Ападкі - бонус і для фермераў, яны разлічваюць на добры ўраджай бульбы і яблыкаў.

А вось вялікай колькасці грыбоў і ягад у нашых лясах чакаць не варта - лічаць спецыялісты. Зрэшты, у навукоўцаў-аграрыяў - альтэрнатыўнае меркаванне. Прагнозы на ўраджай выслухаў Аляксей Кандраценка.

У той час як увесь ураджай клубніц ужо распрададзены на сталічных рынках, вучоныя аграномы збіраюць свой новы ўраджай. Праўда, гэтыя дзве соткі зямлі з кропельным палівам і спецыяльнай ахоўнай плёнкай, эксперымент працяглы і не прывязаны да сезона.

На звычайных жа плантацыях, як і ў выпадку са збожжавымі, недабор ураджаю да 50 працэнтаў. У засуху кусты палівалі нават уручную. Асаблівасць гэтага сезона - больш раннія тэрміны выспявання культур. Нават ажына - час якой жнівень - ужо просіцца ў кошык.

Такім чынам пагодны фактар - гэта не толькі перашкода, але і стымул для пэўнага крэатыву на палях і ў цяпліцах.

З улікам актуальных кліматычных умоў зараз вучоныя аграрыі працуюць і над тым, каб адаптаваць і зусім новыя, нетрадыцыйныя культуры. Тыя, што характэрныя, напрыклад, для субтропікаў.

Яшчэ 5-7 гадоў таму мала хто быў знаёмы з актынідыяй. Сёння беларускі міні-ківі - часты госць на прысядзібных участках. Нядрэнныя перспектывы і ў іншых экзатычных і карысных раслін.

Тым часам стартаваў і сезон «ціхага палявання». Забарона на наведванне лясоў з-за пажаранебяспечнай сітуацыі знята ва ўсіх раёнах Мінскай вобласці. "У аб'ектыў прыцэла" грыбнікоў і ягаднікаў ўжо трапілі чарніцы. Праўда, многія скардзяцца на тое, што яна сухаватая. Грыбоў жа варта чакаць не менш чым праз тыдзень.