Мінская вобласць і кітайскі Чунцін абмяркоўваюць новыя напрамкі супрацоўніцтва

Будаўніцтва цэнтра і перспектывы стварэння сумесных прадпрыемстваў - Мінская вобласць і кітайскі Чунцін абмяркоўваюць новыя напрамкі супрацоўніцтва. Сёння ў цэнтральны рэгіён з Паднябеснай прыбыла вялікая дэлегацыя на чале з мэрам горада Чунцін. Госці прывезлі і канкрэтныя бізнес-прапановы - пабудаваць у Мінскай вобласці вялікі сучасны цэнтр размеркавання тавараў. Цэнтральны рэгіён можа стаць лагістычным вузлом для кітайскіх тавараў у Еўропу. Ужо заўтра ў Мінскую вобласць з горада Чунцін прыбывае першы чыгуначны састаў - 41 вагон з якасным адзеннем і высокатэхналагічнымі таварамі.

Горад Чунцін - адзін з аўтамабільных цэнтраў Кітая. За год тут выпускаюць амаль 3 мільёны аўтамабіляў. Пры гэтым мясцовыя прадпрыемствы аддаюць перавагу і беларускай тэхніцы - Мінская вобласць пастаўляе сюды жодзінскія БелАЗы.