Мінская вобласць ставіць задачу ствараць новыя прадпрыемствы і дадатковыя працоўныя месцы

Мінская вобласць у наступным годзе ставіць задачу ствараць новыя прадпрыемствы і дадатковыя працоўныя месцы. Сярод стратэгічных арыенціраў - пошук і рэалізацыя новых праектаў. Пра гэта сёння заявілі ў аблвыканкаме. Асаблівую ўвагу нададуць развіццю прамысловасці, сельскай гаспадаркі, сферы будаўніцтва, якая па некаторых паказчыках пакуль адстае. Акцэнт зробяць і на знешнеэканамічнай дзейнасці.

Адзначылі сёння і дасягненні машынабудаўнікоў. Сёлетні экспарт прадукцыі холдынга "БелАЗ" перавысіў рэкордны мільярд долараў. Акрамя росту продажаў, прадпрыемства нацэлена таксама на мадэрнізацыю цэхаў і рэалізацыю сваіх інвестпраектаў.

Чакаецца і станоўчы эфект ад работы завода "БелДжы". У наступным годзе барысаўскае прадпрыемства плануе выпускаць і прадаваць ў тым ліку на экспарт дваццаць пяць тысяч аўтамабіляў.