Мінская вобласць у 10 разоў павялічыла колькасць ільготных зямель

Яшчэ адзін крок у лібералізацыі бізнесу. Тэрыторый з прэферэнцыямі для адкрыцця сваёй справы стане больш. Сёння дэпутаты ад Мінскага рэгіёна прагаласавалі за павелічэнне ў 10 разоў спісу льготных зямель. Гаворка ідзе аб 345-м Указе "Аб развіцці гандлю, грамадскага харчавання і бытавога абслугоўвання".

Ён дае права прадпрымальнікам працаваць у сёлах за базавую за месяц, а ў малых гарадах юрасобам плаціць толькі падатак на прыбытак - 6 %. Але вось спісы гэтых зямель вызначае мясцовая ўлада. Пералік застаецца адкрытым і можа дапаўняцца з улікам беднага асартыменту і проста недахопу магазінаў, аб'ектаў бытавога абслугоўвання і грамадскага харчавання.

Першапачаткова Мінская вобласць уключыла ў спіс ільготных зямель толькі два раёны - Барысаўскі і Пухавіцкі. У выніку за паўгода ў вобласці з'явілася толькі 4 новыя суб'екты гаспадарання, тады як у Гродзенскай вобласці - больш за 320. Там прэферэнцыі дзейнічаюць на 99 % тэрыторый. Добрыя паказчыкі і на Віцебшчыне - 220 новых бізнесаў пры 90-працэнтным ахопе зямель.