Магілёў падводзіць вынікі міжнароднага інвестфоруму “Млын поспеху”

Больш за 20 намераў і пагадненняў на амаль 100 мільёнаў долараў. Магілёў падводзіць вынікі міжнароднага інвестфоруму “Млын поспеху”, які дзясяты раз сабраў бізнесменаў з краін Еўропы і Азіі. Дасягнуты і шэраг дамоўленасцяў у сферы турызму і адукацыі. Андрэй Ястрабаў - з падрабязнасцямі.

Гэта прадпрыемства амаль 10 гадоў на рынку вытворчасці кабін для дарожнай і будаўнічай тэхнікі. Збіраюць з айчынных камплектуючых - ад "дворнікаў" да фар. І пад любое электроннае аснашчанне. Не выпадкова, што прадукцыяй на форуме зацікавіўся і буйны вытворца грузапад’ёмных аўтакранаў у свеце - прадпрыемства "Зумліён-МАЗ" у Магілёве.

Дарэчы, шкло ў такіх кабінах - таксама магілёўскага вытворцы, які па суседстве на форуме прапанаваў сваю новую мадэль. Для электракараў.

Прапанавалі магілёўскія вытворцы і зарадкі для такіх электракараў. Зручныя і для звычайных аўтамабілістаў. З падвоенай разеткай.

Зацікавіць айчынных і замежных бізнесменаў у сумесных праектах, інвестыцыях у распрацоўку новых тэхналогій і прадуктаў - галоўная мэта такіх інвестфорумаў. Сёлета магілёўскі прымаў гасцей з 25 краін свету.

Тым часам канкурэнты з Кітая дамовіліся пабудаваць завод па вытворчасці піратэхнічных вырабаў і наладзіць вытворчасць грыбоў у Крычаўскім раёне. Кошт гэтага праекта складзе 2,5 мільёны долараў. Не адстае ад Паднябеснай і расійскі інвестар.

Румынскія бізнесмэны гатовы ствараць сумесныя праекты ў сельскай гаспадарцы і прапанавалі свой вопыт, напрыклад, у вытворчасці віна. Згодны наладзіць сяброўскія адносіны і з адукацыйнымі ўстановамі - затрымаліся ля стэнда Беларускай сельгасакадэміі. Амаль на 100 мільёнаў долараў падпісана пагадненняў падчас форуму, і гэта толькі пачатак, запэўніваюць бізнесмэны.

Адкрыццё беларуска-расійскага медыцынскага цэнтра МРТ у Магілёве, будаўніцтва завода пітной і мінеральнай вады ў Чэрыкаве.

А яшчэ шмат праектаў, інвестарам якіх выступіў аблвыканкам, альбо раёны. Напрыклад, будаўніцтва цяпліц у Бабруйскім раёне. Альбо будаўніцтва сучаснага бізнес-цэнтра ў Магілёве. Больш за 20 бізнес-дамоўленасцей будуць рэалізаваны ў найбліжэйшы час на ўсходзе краіны.