МТЗ гатовы цалкам забяспечыць патрэбнасць аграрнага сектара Паўднёвага Судана

Мінскі трактарны завод гатовы цалкам забяспечыць патрэбнасць аграрнага сектара Паўднёвага Судана. Аб гэтым сёння гаварылі падчас візіту дэлегацыі паўднёваафрыканскай краіны на МТЗ. Госці прыехалі ацаніць беларускія навінкі.

Папярэднім разам буйная партыя тэхнікі - каля 800 трактароў - пастаўлена ў Паўднёвы Судан амаль 10 гадоў таму на суму 10 мільёнаў долараў. Зараз адносіны жадаюць аднавіць. МТЗ плануе экспартаваць трактары з сельгасабсталяваннем для пасадкі гародніны і садавіны плюс спецыяльную тэхніку. Акрамя таго, у Паўднёвым Судане важныя камплектуючыя - плугі, прычэпы і навясное абсталяванне.

У цэлым МТЗ пастаўляе прадукцыю амаль у 30 краін Афрыканскага кантынента. Так, у студзені беларускія трактары адпраўлены ў Егіпет і Судан, а два месяцы таму 150 машын экспартавалі ў Тога.

У першым паўгоддзі плануюць аднавіць пастаўкі тэхнікі ў Алжыр, Марока і ПАР.