Нацбанк зніжае стаўку рэфінансавання

Чарговы гістарычны мінімум. Нацбанк ізноў апускае стаўку рэфінансавання - на чвэрць працэнтнага пункта. Такое рашэнне прынята сёння на пасяджэнні праўлення рэгулятара. З 19 лютага ключавая стаўка выйдзе на ўзровень 8,75 %. Нацыянальны банк паэтапна зніжае стаўку з 2015 года. Толькі летась яе апускалі двойчы, усякі раз выходзячы на мінімальныя значэнні ў суверэннай гісторыі. Рэгулятар прымае рашэнне з улікам усіх фактараў і тэндэнцый у эканоміцы. Але галоўным індыкатарам называюць інфляцыю. Нагадаем, па выніках мінулага года яна склала 4,7 %.