Тыдзень прадпрымальніцтва падводзіць вынікі насычаных перагаворных дзён

Сёлета фармат Тыдня прадпрымальніцтва змяніўся, як і лакацыя, - пляцоўка выставачнага цэнтра "БелЭкспа" пашырыла магчымасці. Форум сабраў прадстаўнікоў бізнесу і ўлады для абмену досведам, азначэння стратэгій развіцця і наладжвання карысных сувязяў. Прайшлі стартап-спаборніцтвы, мерапрыемствы для дзяцей і падлеткаў, а таксама канферэнцыя па бізнесе. На што сёлета зрабілі акцэнт і чым яшчэ здзіўлялі бізнесмены новага пакалення - раскажа Ксенія Лебедзева.

Падыход да арганізацыі Сусветнага тыдня ў Беларусі сёлета змяніўся. Па-першае, ключавой пляцоўкай для дзелавых сустрэч стаў выставачны цэнтр "БелЭкспа". Па-другое, фармат. Вялізная адкрытая прастора, дзе адначасова праходзяць канферэнцыі, круглыя сталы і выстава, у тым ліку і стартапаў. Варта адзначыць, што ў асноўным тут прадстаўлены IT-бізнес і яго распрацоўкі.

Таму дзесьці можа скласціся ўражанне, што гэта выстава інфармацыйных і інавацыйных тэхналогій. Але ўлічваючы тэндэнцыі развіцця эканомікі Беларусі сёння, пакет дакументаў, накіраваны на спрашчэнне вядзення бізнесу, прыняты ў канцы мінулага года, Дэкрэт № 8 "Аб развіцці лічбавай эканомікі" і курс на IT-дзяржаву, усё заканамерна.

Дзякуючы ўбудаванай сістэме ідэнтыфікацыі, кожны здольны выконваць абавязкі канс'ержа, кансультанта, прамоўтара і нават сачыць за парадкам на дарозе. Індустрыяльны парк у ліку першых, хто дапаможа ўкараніць высокія тэхналогіі ў звычайнае жыццё.

Павел Бачарнікаў, працуючы ў сферы будаўніцтва і паслуг, аднойчы вырашыў, што шматлікія працэсы можна спрасціць. Стварыў глабальную інтэрнэт-пляцоўку для арэнды будаўнічай тэхнікі. Ужо выйшлі на рынак Расіі. У працэсе - краіны Еўрасаюза.

Цікава, што беларускі бізнес становіцца значна маладзейшым. Сёння Колю Карнілаву 14. А ён ужо блакчэйн-распрацоўшчык. Гаворыць, калі кірунак набіраў хайп, выбраў як перспектыўны. Дзеля працы прыйшлося нават перайсці на індывідуальнае навучанне. Каб часу для рэалізацыі сваіх задумак стала больш.

Падтрымка для малога і сярэдняга бізнесу ў Беларусі рэгулярна пашыраецца. Так у рамках бізнес-тыдня падпісалі праект падтрымкі эканамічнага развіцця на мясцовым узроўні з удзелам ЕС і праграмы развіцця ААН. Разлічаны на 3 гады. Бюджэт складзе 8 млн. еўра. Раёны будуць адбірацца на конкурснай аснове. У прыярытэце - праблемныя.