Новая чыгуначная нітка "Шаўковага шляху"

На станцыі "Калядзічы" сустрэлі першы грузавы цягнік з кітайскага горада Чунцін. Гэта 41 кантэйнер з сучаснымі IT-таварамі і адзеннем. Састаў прыбыў у Беларусь усяго за 12 дзён замест двух месяцаў марскога шляху. Кіраўніцтва кітайскага горада ўжо прапанавала і праект стварэння сумеснага лагістычнага хаба ў Мінскай вобласці. Тавары тут будуць сартаваць для далейшай перапраўкі ў ЕС і Расію. Для даведкі: усяго з Кітая ў напрамку Еўропы штогод накіроўваецца амаль 300 тысяч саставаў. Гэты цягнік назад павязе беларускія тавары.

І сёння ў Беларусі стартавалі Дні культуры горада Чунцін. У мастацкай галерэі Міхаіла Савіцкага размясцілі ўнікальную выставу. На дзясятках карцін адлюстраваны віды сучаснага Чунціна.