Новыя праекты АПК Мінскай вобласці: асаблівы акцэнт - на развіццё птушкагадоўлі

Аграпрамысловы комплекс Мінскай вобласці чакаюць значныя папаўненні! Асаблівы акцэнт - на развіцці птушкагадоўлі.

Так, агракамбінат "Дзяржынскі" ўзводзіць новыя аб'екты па вырошчванні і перапрацоўцы мяса птушкі ў Крупскім раёне. А Салігорская птушкафабрыка будуе інавацыйную перапяліную ферму.

Вялікі інвестыцыйны праект і ў прадпрыемства "Смалявічы Бройлер". Сёння яно найбуйнейшае ў АПК па аб'ёмах вытворчасці (а гэта 20 % усяго мяса птушкі, якое вырабляюць у нашай краіне). У складзе прадпрыемства - шэсць філіялаў. Адна з самых запатрабаваных пазіцый на рынку - прадукцыя глыбокай перапрацоўкі. Гэта паўфабрыкаты, кулінарныя вырабы. Дзякуючы рэалізацыі інвестпраекта з'явяцца больш за 70 новых рабочых месцаў.

У "Смалявічы Бройлера" экспарт наладжаны ў 10 краін. Два асноўныя напрамкі - гэта Расія і Кітай. Акрамя таго, гэта і краіны Сярэдняй Азіі.