Аб шляхах развіцця завода "Лёгмаш" гаварылі ў Оршы

Прадпрыемства наведаў намеснік прэм'ер-міністра Беларусі Юрый Назараў. Завод выпускае вадаахаладжальныя элементы, металаканструкцыі, дэталі і абсталяванне для металургіі, а таксама чыгуннае і стальное ліццё. Тут працуюць без малога 500 чалавек.

Таксама Юрый Назараў пабываў на іншых буйных прадпрыемствах - "Оршааграпраммаш", "Чырвоны барацьбіт", завод ПАК, інструментальны завод, "Цыліндэрс-Бел". Асноўная мэта - выявіць праблемныя моманты ў іх дзейнасці. Таксама паднімаліся пытанні, звязаныя з рэалізацыяй інвестпраектаў і выкананнем даручэнняў Кіраўніка дзяржавы.