Асаблівасці сёлетняга жніва

Жніво ў Беларусі набліжаецца да 5-мільённай мяжы. Убраць з палёў усё да зярнятка - задача аграрыяў. Пад тысячу маладзёжных і сямейных экіпажаў, 10 тысяч камбайнаў у гэтыя хвіліны працуюць у полі. Прафсаюзы ў дапамогу. Спецыялісты сочаць за ўмовамі працы і заахвочваюць лідараў прэміяльнымі. Запэўніваюць, ні адзін камбайнер альбо вадзіцель не застанецца без падзякі. Андрэй Ястрабаў пра асаблівасці сёлетняга жніва.

Вянкі з калоссяў - добрая традыцыя ўшаноўваць пераможцаў жніва. Сёлета толькі ў Магілёўскай вобласці іх звыш 130. Аднак прыпынак на жніве толькі на некалькі хвілін на невялікі канцэрт і падзякі. І зноў у поле, бо аграрыям трэба сабраць усё да зярнятка.

На жніве не выпадковыя людзі. Сяргей Сцяпанаў яшчэ ў 10-гадовым узросце дапамагаў бацьку ў полі. Цяпер з земляком Мікалаем Рудкоўскім у роднай гаспадарцы працуе ў адным экіпажы. Да ночы. А потым у Інтэрнэт - на форум камбайнераў.

А вось калегі Юрыя Самалётава, які таксама пайшоў па слядах бацькі - вадзіцеля на адвозцы збожжа, жартуюць. Прозвішча адпавядае. Нібыта лятае па палях - за дзень па 15 рэйсаў робіць. Не мала.

Праўда, каб дапамагаць роднай гаспадарцы, не трэба быць прафесійным аграрыем. Мікалай Лявіцкі ўвогуле настаўнік фізікі ў сельскай школе. Падчас жніва замест алоўка ў руках рыдлёўка і на зерняток.

Яшчэ адна асаблівасць сёлетняга жніва - сямейныя экіпажы. Толькі на ўсходзе краіны іх звыш 120. Валерыя Панцялеева - студэнтка, прыгажуня, будучы эканаміст. На канікулах другі год запар на жніве ў напарніках бацькі. Свае абавязкі ведае на выдатна.

Дарэчы, Віталь Панцялееў таксама не прафесійны камбайнер. Ён ратавальнік. Аднак вось ужо 20 гадоў падчас свайго адпачынка летняга на жніве.

Першых трохтысячнікаў ушанавалі ў Магілёўскай вобласці на тыдні. Сапраўды - заслужаныя, хоць і маладыя хлебаробы. Для Аляксея Макосава гэта ўсяго 14-е жніво. Але, гаворыць, без добрага напарніка не атрымалася б выйсці ў лідары.

1259 экіпажаў у гэтыя хвіліны працуюць на палях усхода краіны.

Кожны дзень аграрыі Магілёўскай вобласці дадаюць у агульны каравай краіны звыш 30 тысяч тон збожжа, працуючы ў полі амаль круглыя суткі і без выхадных. За плячыма ўжо звыш паўмільёна тон.