Першыя камбайнеры-тысячнікі вызначыліся на ўборцы ўраджаю ў Клецкім раёне

У Мінскай вобласці вызначыліся першыя хлебаробы, якія намалацілі і перавезлі тысячу тон збожжа. Працуюць яны ў гаспадарцы "Кухчыцы" Клецкага раёна.

Старшы камбайнер Павел Шуціла і вадзіцель зернявоза Андрэй Аляксейчык свайго выніку дасягнулі на беларускай тэхніцы.

Узнагароды атрымалі ад Клецкага райвыканкама, кіраўніцтва Мінскай вобласці і прафсаюзаў. На ўрачыстай цырымоніі ўшанавання адзначылі, што старт жніва ў вобласці аптымістычны. Першая культура - азімы ячмень - паказвае добрую ўраджайнасць.

Гаспадаркі краіны зараз яго актыўна ўбіраюць. Агульны намалот - больш за 100 тысяч тон.