Першую партыю беларускай ялавічыны даставілі ў кітайскую правінцыю Сычуань

Кітайскі рынак адкрываецца для прадуктаў з Беларусі. Першую партыю беларускай ялавічыны ў 20 тон сёння даставілі ў правінцыю Сычуань. Яе адправілі кантэйнерам па чыгуначным маршруце. Тут жа і прадэгуставалі - з нашай ялавічыны прыгатавалі стравы кітайскай кухні. Аб першых уражаннях кітайцаў у сваім "Твітары" расказаў Надзвычайны і Паўнамоцны Пасол Беларусі ў Кітаі Кірыл Руды: "Якасць - як аўстралійская, але ледзь больш жорсткая. Кошт прэміум, але канкурэнтны. Беларускі брэнд слабапазнавальны, але попыт ёсць".