Першыя беспілотныя машыны БелАЗ паставяць у Сібір да канца года

Праект Беларусі і Расіі - гэта самазвалы на 136 тон і пагрузчык. Спецыялісты кіруюць машынамі на дыстанцыі дзякуючы спадарожнікавай сістэме навігацыі. Аператар за пультам можа знаходзіцца за тысячы кіламетраў ад кар'ераў па здабычы вугалю і руды. Апошнія штрыхі перад выкананнем кантракта сёння абмеркавалі ў Жодзіне. Сабраліся спецыялісты дзвюх краін, а таксама расійскія журналісты. Тэхніка будзе працаваць на эксперыментальным участку у рэгіёне Хакасія.

Акрамя таго, плануюцца пастаўкі ў Расію і яшчэ аднаго комплексу з пяці машын. І толькі пасля інтэнсіўнага тэст-драйву на працягу года будзе абмяркоўвацца серыйная вытворчасць самазвалаў-беспілотнікаў.