Папаўненне ўраджайнага аўтапарка - 21 камбайн перадалі гаспадаркам Мінскай вобласці

21 камбайн вытворчасці Гомсельмаш 19 чэрвеня ўрачыста перадалі гаспадаркам Мінскай вобласці. Аграрыі атрымалі ключы ад магутных машын, якія ўжо зарэкамендавалі сябе на працы ў палях. Спецыялісты правялі падрыхтоўку камбайнаў, і цяпер ім засталося прайсці кароткі тэст-драйв. А ў найбліжэйшы час хлебаўборачная тэхніка далучыцца да маштабнага жніва.

Айчынныя камбайны максімальна задзейнічаны на палях Мінскай вобласці. Яшчэ адна партыя хлебнай тэхнікі хутка папоўніць лінейку аграрыяў цэнтральнага рэгіёна. Гэта будуць машыны з павялічанай магутнасцю.