Прадпрыемствы Беллегпрама шукаюць новых супрацоўнікаў

Дадатковы набор работнікаў з кваліфікацыяй "швачка" або з навыкамі працы на швейным абсталяванні. Варыянты і для тых, хто не мае профільнай адукацыі, прапануюць прадпрыемствы канцэрна "Беллегпрам". Вакансіі адкрыты на розных вытворчасцях у Мінску, Жодзіне, Дзяржынску, Заслаўі і Салігорску. Таксама для ўсіх жадаючых працаўладкавацца на прадпрыемствах праводзяць навучанне па пашыве медыцынскіх масак.

Зараз у Мінскай вобласці больш як 13 тысяч вакансій. Узровень беспрацоўя ў цэлым па рэгіёне трымаецца на ўзроўні менш за адзін працэнт. У спісе самых запатрабаваных прафесій - вадзіцель, інжынер, трактарыст, бетоншчык, медсястра, муляр, прадавец, урач, грузчык і повар.