Прэзідэнт Беларусі ўраду: усё, што абяцалі, трэба выканаць

Новыя падыходы да эканамічнай палітыкі на найбліжэйшыя паўтара года. На нарадзе ў Прэзідэнта сёння абмеркавалі прынцыпы працы ў цяперашніх рэаліях.

На парадку дня практычна ўсе сферы: ад інвестыцый да сацыяльных гарантый насельніцтву. Знешнія бар'еры, якія ўзводзіць Захад супраць Беларусі і Расіі, вядома, уплываюць на нашых вытворцаў. Але гэта не падстава для панікі, тым больш што практыка ўжо паказала, што ў такіх умовах можна эфектыўна працаваць. Зараз трэба звярнуць увагу на ключавыя галіны: калійную і нафтаперапрацоўку. На іх прыпадае асноўны санкцыйны націск. У цэлым прамысловасць спраўляецца, а значыць і эканоміка адчувае сябе ўпэўнена.

Зараз неабходна аператыўная праца, хуткія рашэнні, дзе трэба - ручны рэжым кіравання па важных праектах. Вялікія формы (як прапанаваны сёння ўрадам закон) неабавязкова будуць эфектыўнымі. Фундаментальныя меры прынятыя: пераарыентацыя экспарту з Украіны і ЕС у Расію і Азію. А таксама жорсткая эканомія і агрэсіўнае імпартазамяшчэнне. Якасць працы гэтай формулы шмат у чым залежыць ад тэрмінаў рэалізацыі. Таму да працы павінны падключыцца на ўсіх узроўнях.

Урад у найбліжэйшы час прыме комплекс мер, накіраваных на падтрымку прадпрыемстваў і бізнесу. Пра гэта заявіў журналістам першы віцэ-прэм'ер Мікалай Снапкоў, падводзячы вынікі нарады. У цяперашняй сітуацыі яны павінны пачуць пасыл, што ўрад і дзяржаўныя органы кіравання з'яўляюцца для іх партнёрамі.

Галоўная мэта пераўтварэнняў - даць магчымасць людзям спакойна працаваць і мінімізаваць уплыў санкцый на грамадства. Рэзервы росту ёсць нават у няпростых цяперашніх умовах.