Прэзідэнт ушаноўвае перадавікоў АПК

З падзякай за нялёгкую працу на зямлі. Сёння беларускія аграрыі прымаюць віншаванні ад Прэзідэнта. У Палацы Незалежнасці праходзіць ушаноўванне перадавікоў сельскай гаспадаркі з нагоды прафесійнага свята (яго адзначаюць у трэцюю нядзелю лістапада). Гэта асаблівая дата для ўсёй краіны. Беларусь аграрная - гэта наш брэнд. Стаўка на развіццё аграпрама сёння дазваляе поўнасцю забяспечыць сябе харчаваннем і не залежаць ад знешніх паставак. Кіраўнік дзяржавы заўсёды з асаблівым трапятаннем ставіўся да тых, хто штодня працуе ў палях. І не раз падкрэсліваў: зямля і людзі былі і застаюцца адным з галоўных багаццяў Беларусі. Сёння Прэзідэнт адзначыць лепшых.

Узровень развіцця сельскай гаспадаркі ў Беларусі дазваляе вырашыць любыя харчовыя задачы свайго рынку, а таксама зарабіць на знешніх. Па выніках сёлетняга года наша краіна разлічвае выйсці на рэкордныя лічбы экспарту - звыш 8 мільярдаў долараў. Прадукты пад брэндам "Зроблена ў Беларусі" пастаўляюцца ў 110 краін свету.