Прэзідэнт патрабуе большай эфектыўнасці ад ільняной галіны

Комплекснае развіццё льняной галіны сёння ў цэнтры ўвагі Прэзідэнта. Кіраўнік дзяржавы наведаў з рабочай паездкай Оршу. Віцебскі рэгіён па праве можна лічыць ільняным: там працуе 9 ільнозаводаў і адзіны ў краіне Інстытут льну.

Прэзідэнт праверыў працу мадэрнізаванага Аршанскага льнокамбіната. Ён адзіны ў краіне перапрацоўшчык валакна з поўным цыклам - гэта больш за 100 тэхналагічных аперацый. Апошнія некалькі гадоў на заводзе ішла маштабная мадэрнізацыя пры дзяржпадтрымцы і інвестыцыях нашага партнёра - Кітая. У выніку вырас аб'ём экспарту, пашырылася геаграфія паставак, сёння гэта 43 краіны свету, павялічыліся выручка і зарплаты на прадпрыемстве. Тым не менш на мадэрнізаваным ільнокамбінаце незагружанымі застаюцца каля траціны магутнасцяў, частку валакна прыходзіцца закупляць за мяжой. А гэта адбіваецца на цане прадукцыі і эфектыўнай працы прадпрыемства. Кіраўнік дзяржавы патрабуе большай аддачы ад галіны. Усе высілкі ў найбліжэйшы час варта засяродзіць на развіцці ў краіне глыбокай перапрацоўкі.

Для нашай краіны гэтая галіна - стратэгічная. Беларускае валакно высока цэняць ва ўсім свеце. Лён актыўна купляюць вытворцы-прамыслоўцы з Кітая, Бельгіі і Германіі, а гэта краіны, у якіх ёсць і свае палі. Ураджай гэтай вельмі пераборлівай культуры залежыць ад шматлікіх фактараў: складу глебы, умоў надвор’я і тэхналогіі апрацоўкі. Таму аграрыі цесна працуюць з навукоўцамі. Крытыка Прэзідэнта як раз гучала ў адрас кіраўніцтва АПК, губернатараў за недастатковыя аб'ёмы атрыманай айчыннай ільняной сыравіны, а таксама часцяком і яе якасць. Будучыню галіны дэталёва абмеркавалі на нарадзе. Адназначна льну ў Беларусі быць, гэта рэнтабельная культура, на якой можна зарабляць, тым больш што для гэтага ў краіне ўжо зроблена шмат.

Ураджай льну - гэта не толькі пытанне тэхналогіі, але і справа тэхнікі. Прэзідэнт даручыў арганізаваць на айчынных прампрадпрыемствах выпуск усёй наменклатуры неабходных запчастак для яе рамонту. Прычым цалкам адмовіцца ад імпарту. Гэта датычыцца не толькі патрэбнасцяў ільняной галіны, але і іншых кірункаў. Аляксандр Лукашэнка апублікаваў новыя факты карупцыі, калі пад выглядам закупкі запчастак за мяжой выкарыстоўваліся шэрыя схемы. Некалькі дзясяткаў кіраўнікоў ужо затрыманыя. Кіраўнік дзяржавы даручыў да наступнага года вырашыць усе праблемы ў галіне.

На нарадзе таксама абмеркавалі сітуацыю на іншых ільнозаводах, якія вядомыя ўсёй краіне. Орша становіцца свайго роду горадам-маяком, дзе адпрацоўваецца тэхналогія, якая пасля пяройдзе на іншыя вялікія гарады. Задачы сёння пазначаныя і прынятыя ключавыя рашэнні. Патрабаванне Прэзідэнта - да наступнага года вырашыць усе праблемы ў ільняной галіне.