Прафсаюзны актыў дапамагае на льняных палях

У Дубровенскім раёне актывісты дапамагалі рыхтаваць трасту да механізаванай ўборкі. Моцны вецер раскідаў лён на вялікай тэрыторыі. Галоўная задача - сабраць яго ў стужкі. Пасля гэтага траста павінна вылежацца. Пасяўная плошча Дубровенскага льнозавода - 2 тысячы гектараў. Стаўку робяць на гатункі беларускай селекцыі. Некалькі гадоў таму на прадпрыемстве завяршылася мадэрнізацыя. Пастаянна папаўняецца і парк сельгастэхнікі.

Прафсаюзны актыў паўночнага рэгіёну краіны да ўборачнай падключыўся з першых дзён. Увага спецыялістаў на арганізацыю гарачага харчавання, забеспячэнне хлебаробаў спецадзеннем і захаванне тэхнікі бяспекі.