Праграма развіцця канкурэнцыі з'явіцца ў Беларусі

У Беларусі прэзентуюць праграму развіцця канкурэнцыі. Гэта заявілі на "Кастрычніцкім форуме". Ужо прааналізавана 6 галін эканомікі, яшчэ 6 будуць даследаваныя. Па выніках стане зразумела, хто застанецца манапалістам, а дзе магчымая прысутнасць іншых гульцоў. І шмат у чым гэта пасадзейнічае развіццю малога бізнесу. Акрамя таго, тэхнічную і фінансавую дапамогу ў многіх праектах гатовыя аказаць і міжнародныя структуры. Садзейнічаць развіццю малога бізнесу і задзейнічаць інвестыцыі мае намер і Еўрапейскі саюз праз падтрымку праектаў "Жанчыны ў бізнесе".

Самы маштабны праект на наступны год ад Еўрапейскага банка рэканструкцыі і развіцця - рэканструкцыя дарогі М-10 ад Гомеля да мяжы з Расіяй на ўмовах дзяржаўна-прыватнага партнёрства.