Праца будаўнічай галіны сёння ў фокусе ўвагі Прэзідэнта

У Палацы Незалежнасці размова аб перспектывах развіцця. Іх вызначылі яшчэ два гады таму, а пасля замацавалі адпаведнай дырэктывай. Як выконваюцца ключавыя задачы ў цэлым і з якімі вынікамі будаўнікі завершаць гэты год? Адказ трымае профільны міністр. З пачатку года гэтай сферы эканомікі ўдалося пазбегнуць падзення.

Гэтую пазітыўную тэндэнцыю важна замацаваць. У прыярытэце - актыўнае будаўніцтва жылля для шматдзетных (вялікія сем'і не павінны стаяць у чарзе больш чым год), а таксама ўзвядзенне арэндных кватэр. У планах на год 135 тысяч такіх квадратаў. У наступным аб'ёмы вырастуць удвая. Нагадаем, прыярытэт пры атрыманні арэндных кватэр аддадзены работнікам бюджэтнай сферы. Не зняты з парадку дня пераход да будаўніцтва жылля ў энергаэфектыўным выкананні. Трэба вырашаць і пытанні, якія стрымліваюць развіццё гарадоў-спадарожнікаў.

Асобна прэзідэнт спыніўся на сітуацыі ў працоўных калектывах. Прадпрыемствы не спынялася ў цяжкія месяцы пандэміі, гэта забяспечыла людзей працай і даходам. Важна не дапусціць спынення і сёння. Бо пасля прыйдзецца доўга аднаўляць страчаныя пазіцыі на сусветных рынках. Па выніках года ў краіне плануюць выканаць усе паказчыкі па ўводзе ў эксплуатацыю жылля. Пабудуюць каля 4 мільёнаў квадратных метраў. Гэта ўзровень мінулага года.