Сенатары ратыфікавалі артыкулы пагаднення Азіяцкага банка інфраструктурных інвестыцый

Сёння ў Мінску прайшла пятая сесія Савета Рэспублікі шостага склікання. Сенатары разгледзелі 8 пытанняў, у тым ліку ратыфікавалі артыкулы пагаднення Азіяцкага банка інфраструктурных інвестыцый.

Дзякуючы гэтаму ўжо да канца года наша краіна зможа далучыцца да арганізацыі. З прыцягненнем рэсурсаў банка ў першую чаргу праінвесціруюць ініцыятывы праекта "Адзін пояс - адзін шлях". Яны могуць датычыцца транспартнага, энергетычнага або вытворча-лагістычнага напрамкаў. Умовы выдзялення фінансаў Азіяцкім банкам адпавядаюць лепшым сусветным стандартам.

Сенатары таксама адобрылі папраўкі ў закон аб электронным дакументаабароце і электронным лічбавым подпісе. Новыя палажэнні дазволяць спрасціць праверку сапраўднасці такіх дакументаў і павялічыць колькасць такіх аперацый. Акрамя таго, нормы законапраекта дазволяць прызнаваць на тэрыторыі нашай краіны замежныя сертыфікаты адкрытага ключа.