Кіраўніцтва горада Чунцін прапанавала пабудаваць у Мінску цэнтр размеркавання тавараў

Будаўніцтва сучаснага цэнтра размеркавання тавараў - яшчэ адзін перспектыўны сумесны праект, які кіраўніцтва горада Чунцін прапанавала падчас перамоў з губернатарам Мінскай вобласці. Цэнтральны рэгіён можа стаць лагістычным вузлом для кітайскіх тавараў у Еўропу. Ужо заўтра ў Мінскую вобласць прыбудзе першы чыгуначны састаў з Чунціна - 41 кантэйнер з высокатэхналагічнымі таварамі і адзеннем.

Горад Чунцін - адзін з аўтамабільных цэнтраў Кітая. За год тут выпускаюць амаль 3 мільёны аўтамабіляў. Аднак нават пры такіх паказчыках мясцовыя прадпрыемствы нярэдка аддаюць перавагу беларускай тэхніцы - Мінская вобласць пастаўляе сюды жодзінскія БелАЗы.