З новага года для ІП будуць па-новаму разлічваць адзіны падатак

Гэтую норму зацвердзіў абноўлены Падатковы кодэкс. Дакумент замацаваў агульныя стаўкі адзінага падатку. Яны адрозніваюцца толькі ў залежнасці ад рэгіёна. Асобна для Мінска, абласных, раённых цэнтраў і сельскай мясцовасці. Нагадаем, раней мясцовая ўлада вызначала пэўную велічыню стаўкі падатку, абапіраючыся на ўстаноўлены кодэксам максімум і мінімум. У асобных рэгіёнах адзіны падатак перавышаў нават сталічныя значэнні. Зараз на месцах павялічваць гэты збор забаронена. Затое можна памяншаць - максімум ў два разы.