Сёння Нацбанк Беларусі вырашыць пытанне аб далейшым руху стаўкі рэфінансавання

Напярэдадні кіраўніцтва не выключыла яе паніжэння, такім чынам, велічыня да канца года можа апусціцца да гістарычнага мінімуму - дзесяці працэнтаў. Самы важкі аргумент для паніжэння - нізкі ўзровень інфляцыі. Чакаецца, што рост цэн па выніках года не перавысіць 6 %.

Стаўка рэфінансавання ў Беларусі зніжаецца ўжо трэці год запар. Сёння яна складае 10,5 %. На такім узроўні, як сёння, Нацбанк рэфінансаваў крэдыты 8 гадоў таму.