Сёння другі дзень нефармальных дыялогаў краін - удзельніц "Усходняга партнёрства"

У Мінску сёння праходзіць нефармальная сустрэча міністраў замежных спраў краін - удзельніц "Усходняга партнёрства". Сімвалічна, што яна адбываецца ў тыя дні, калі Беларусь шануе памяць ахвяр Другой сусветнай вайны. Пра гэта заявіў кіраўнік беларускага МЗС Уладзімір Макей. Як паведаміў міністр, праз тыдзень Прэзідэнт Беларусі адкрые мемарыял у Трасцянцы пад Мінскам, дзе больш за 250 000 чалавек з усёй Еўропы, у асноўным яўрэі, былі знішчаныя нацыстамі. У цырымоніі прымуць удзел прэзідэнты Германіі і Аўстрыі. Акрамя таго, на сённяшнім пленарным пасяджэнні адбыўся адкрыты і плённы абмен меркаваннямі пра далейшае развіццё "Усходняга партнёрства" з улікам вынікаў саміта ў Бруселі ў 2017 годзе, а таксама ў кантэксце сітуацыі ў рэгіёне.

Паводле слоў Уладзіміра Макея, Беларусь выступае за прамы дыялог паміж Еўрасаюзам і Еўразійскім эканамічным саюзам з перспектывай фарміравання стабільнай і квітнеючай агульнай эканамічнай прасторы паміж Ціхім і Атлантычным акіянамі. Да канца года Беларусь і ЕС могуць падпісаць пагадненне аб прыярытэтах партнёрства да 2020 года, адзначыў на прэс-канферэнцыі еўракамісар па еўрапейскай палітыцы суседства Іаханес Хан.