Сельгасарганізацыі Мінскай вобласці пачнуць уборачную не пазней за 8 ліпеня

Як сабраць ураджай якасна і без страт, абмеркавалі на пасяджэнні аблвыканкама па пытаннях гатоўнасці да жніва. Якія аграпланы на сезон?

Падрыхтоўка да жніва завяршаецца ў Мінскай вобласці. Сельгасарганізацыі пачнуць уборачную не пазней за 8 ліпеня. Як сабраць ураджай якасна і без страт, абмеркавалі на пасяджэнні аблвыканкама па пытаннях гатоўнасці прадпрыемстваў да жніва. Пасяўная плошча збожжавых і зернебабовых культур пад ураджай гэтага года складае больш за 500 тыс. гектараў. Аўтапарк усіх прадпрыемстваў рэгіёна - звыш 1600 адзінак збожжаўборачнай тэхнікі. Завяршаецца яе рамонт. Сельгасмашыны неабходна цалкам падрыхтаваць да 25 чэрвеня. Для ўборачнай кампаніі таксама закуплены 150 энерганасычаных трактароў і 45 новых камбайнаў. Летась намалот збожжа ў рэгіёне склаў мільён 400 тон. Задача сёлета - сабраць яшчэ больш важкі каравай.

Зараз сельгасарганізацыі вобласці займаюцца і нарыхтоўкай кармоў. Гаспадаркі пачалі другі ўкос траў. Ужо назапашана звыш 500 тыс. тон сенажу.