СЭЗ і "Вялікі камень" шукаюць новыя кампаніі-рэзідэнты

Беларусь прэзентуе прававыя магчымасці і прэферэнцыі для працы замежных кампаній і прыцягнення капіталу звонку на Сусветным інвестфоруме ў Жэневе. Ён адкрыўся сёння і сабраў каля 5 тысяч удзельнікаў. Як паведамілі нам у пастаянным прадстаўніцтве Беларусі пры ААН, сярод іх і беларуская дэлегацыя. Чыноўнікі і прадстаўнікі кампаній дзеляцца вопытам развіцця бізнесу і ўмовамі працы ў нашых свабодных эканамічных зонах, распавядаюць аб перавагах адкрыцця новых высокатэхналагічных вытворчасцяў у Кітайска-беларускім індустрыяльным парку "Вялікі камень". Запланаваны сустрэчы і з прадстаўнікамі міжнародных арганізацый і бізнес-супольнасцю. Галоўны акцэнт на праблемы міжнародных інвестыцый у эпоху глабалізацыі і індустрыялізацыі.