Салодкі ўраджай: аграрыі ўбіраюць цукровыя буракі

У аграрыяў - час салодкага ўраджаю! Цукровыя буракі ўбіраюць ва ўсіх раёнах Мінскай вобласці. Выкапалі амаль 950 тыс. тон. У гаспадарцы "Палачаны" (што ў Маладзечанскім раёне) пад караняплодамі больш за 450 га. З кожнага збіраюць па 600 ураджайных цэнтнераў. Працуюць спецыяльныя камбайны і машыны для адвозкі - працэс бесперапынны. Для часовага захоўвання буракі закладваюць у бурты. Убралі палову "цукровых плантацый" (падрабязней у відэа).

Штодзень у гаспадарцы атрымліваюць паўтары тысячы тон буракоў. Усяго ж салодкага ўраджаю плануюць сабраць мінімум 26 тыс. тон. Наступны этап - перапрацоўка на цукровым заводзе.