Сярэдняя зарплата беларусаў павялічваецца кожны месяц

Пра гэта сёння заявіла старшыня Белстата Іна Мядзведзева. У ліпені беларусы зарабілі на 20 рублёў больш, чым у чэрвені. Сярэдняя па краіне - 973 рублі. Згодна са статыстыкай, крыху больш за працэнт ад агульнай колькасці занятых атрымлівае менш за 200 рублёў. У той жа час звыш 17 % за месяц зарабляюць ад тысячы да паўтары тысячы рублёў.

Акрамя таго, разам з ростам заработнай платы паступова зніжаецца і ўзровень беспрацоўя. Сёння ў працаздольным узросце не задзейнічаны ў эканоміцы 4,7 % беларусаў.