Стартуе Беларускі тыдзень прадпрымальніцтва

Сёння стартуе Беларускі тыдзень прадпрымальніцтва. Яго галоўная місія - кансалідацыя дзелавой супольнасці, а таксама канструктыўны дыялог улады і бізнесу.

Ва ўсіх рэгіёнах правядуць дзясяткі мерапрыемстваў, абмяркуюць навацыі па рэфармаванні прадпрымальніцкай дзейнасці, а таксама змяненні ў Падатковы кодэкс. Акрамя таго, на першым плане - пытанні імпартазамяшчэння. Бізнес гатовы кааперавацца з буйнымі прадпрыемствамі, але нярэдка для гэтага патрэбна фінансавая падтрымка.

У 2023 годзе акцэнт Беларускага тыдня прадпрымальніцтва зроблены на раскрыццё патэнцыялу рэгіёнаў. Таму асноўныя падзеі пройдуць у Магілёўскай вобласці.