Стаўка рэфінансавання зніжаецца да 7,75 %

Нацыянальны банк зніжае стаўку рэфінансавання з 8 да 7,75 %.

Гэта ўжо трэцяе зніжэнне з пачатку года. Ключавы паказчык б'е чарговы гістарычны мінімум. Чвэрць працэнта страцяць таксама стаўкі па крэдыце і дэпазіце авернайт. Змяненні ўступяць у сілу з 1 ліпеня.

Паступальнае зніжэнне стаўкі - гэта сігнал аб тым, што эканоміка адчувае сябе ўпэўнена. Такія крокі рэгулятар робіць з 2015 года. За гэты час стаўка знізілася больш як на 17 %. А гэта значыць, што крэдытныя рэсурсы сталі больш даступнымі для фізасоб, бізнесу і прамысловых прадпрыемстваў. У маі на паўпрацэнта знізіўся прырост спажывецкіх цэн у гадавым выражэнні. Да 3,9 % запаволілася гадавая базавая інфляцыя.