Сталіца гатовая здаваць у арэнду нерухомую маёмасць прадпрымальнікам на льготных умовах

Гэта значна спросціць вядзенне бізнесу. Акрамя таго, кіраўніцтва Мінска заклікае больш актыўна выкарыстоўваць рэсурсы інавацыйнага фонду горада. Пра гэта сёння заявілі ў мэрыі, дзе прайшло пасяджэнне Савета па развіцці прадпрымальніцтва пры Мінгарвыканкаме. Упершыню яго ўзначаліў мэр Андрэй Шорац. Як адзначылі спецыялісты, толькі сёлета 700 суб'ектаў гаспадарання атрымалі плошчы, якія раней былі пустымі. У цэлым каэфіцыент эфектыўнага выкарыстання маёмасці ў Мінску перавышае 98 %.

Сёння сталічны бізнес фарміруе больш за 40 % бюджэту горада. Гэта самы высокі паказчык у краіне.