Тэмп уборкі ўраджаю ў Брэсцкай вобласці - 5-5,5 % за дзень, паведамілі ў аблвыканкаме

Брэсцкая вобласць першай у Беларусі перасягнула мяжу з шасцю нулямі ва ўборачнай кампаніі 2024 года. Гэты мільён тон збожжа з улікам азімага рапсу. Яго ўборку ў рэгіёне ўжо завяршылі, прычым рэкордным намалотам. Сабралі 230 тыс. т, што вышэй на 2 ц, чым у 2023 годзе. Убралі і больш за палову плошчаў збожжавых і зернебабовых культур. Сярэдняя ўраджайнасць склала амаль 39,3 ц/га. Самую высокую ўраджайнасць зараз паказвае азімая пшаніца - 48 ц/га.

Дарэчы, у гэтым аграсезоне паўднёва-заходні рэгіён павялічыў пасяўную плошчу пад збожжавыя на 16 тыс. га. Робіцца ўсё магчымае, каб захаваць ураджай у няпростых умовах надвор'я.