Беларусь плануе павялічыць транзіт грузаў праз парты Санкт-Пецярбурга да 20 млн т за год

Доступ да мора праз парты Санкт-Пецярбурга дае Беларусі магчымасць удзельнічаць у глабальным гандлі. Сёння тут рэалізуецца важны для дзвюх краін праект - развіццё кантэйнерных перавозак.

У планах перапраўляць праз парты Піцера каля 7 млн т беларускіх грузаў, у перспектыве - больш як 20 млн т за год. Расія гарантуе доступ да мора, а гэта вельмі важна для беларускай прадукцыі, у першую чаргу для калійных удабрэнняў. Таксама рыхтуюцца праекты па мадэрнізацыі чыгунак, якія вядуць у порт. Гэта дапаможа як Беларусі, так і Расіі супрацьстаяць санкцыйнаму націску Захаду і захаваць эканамічны суверэнітэт Саюзнай дзяржавы.

У Беларусі і Санкт-Пецярбурга моцныя эканамічныя сувязі. Па аб'ёме тавараабароту мы знаходзімся на першым месцы сярод краін СНД - за 7 месяцаў гэтага года ён ужо вырас амаль на 10 працэнтаў і сёння складае прыкладна паўтара млрд долараў. Беларускія кампаніі ўдзельнічаюць у рэформе гарадскога транспарту Пецярбурга, пастаўляюць у горад на Няве аўтобусы, тралейбусы, а таксама камунальную тэхніку. Гэтак жа супрацоўнічаем у галіне навукі і адукацыі. Сёння ў Паўночнай сталіцы Расіі вучацца каля 3 тысяч беларускіх студэнтаў і аспірантаў.