Паглыбленне беларуска-германскага супрацоўніцтва ў галіне лічбавай эканомікі

Пра гэта сёння ішла размова на сустрэчы Старшыні Савета Рэспублікі з дэлегацыяй федэральнай зямлі Германіі Саксонія на чале з дзяржміністрам юстыцыі дэпутатам ландтага Себасцьянам Гемкавым. Міхаіл Мясніковіч адзначыў, што Берлін з'яўляецца для Мінска адным з ключавых партнёраў у Еўропе і заявіў пра неабходнасць развіваць сумесныя праекты ў сферы лічбавай эканомікі. Старшыня Савета Рэспублікі запрасіў нямецкія кампаніі шырэй удзельнічаць у працы Кітайска-беларускага парка "Вялікі камень". Себасцьян Гемкаў адзначыў, што Сіліконавая даліна ў Саксоніі зацікаўленая ў вытворчасці камп'ютарнага абсталявання з беларускім праграмным забеспячэннем. Таксама бакі абмеркавалі перспектывы супрацоўніцтва ў сферы падрыхтоўкі кадраў і развіццё міжпарламенцкіх і гуманітарных кантактаў.