У Беларусі намалочана амаль 7 млн тон збожжа з улікам рапсу

Дзяржзаказ па збожжы практычна выкананы. Уборка каласавых завяршаецца ў Беларусі.

На сёння каравай-2023 важыць 6 мільёнаў 978 тысяч тон. З іх збожжавых і зернебабовых 6 мільёнаў 32 тысячы тон, рапсу - 945 тысяч тон. Убраць засталося ўсяго 4 % плошчаў, а значыць хутка "Дажынкі".

Гаспадаркі пачалі і ўборку крупяных культур. Збіраюць грэчку і проса. Актыўна ідуць работы і на палях з бульбай. У засеках ужо 26 тысяч тон другога хлеба. Зялёнай масы кукурузы сабрана 1 мільён 282 тысячы тон. Убіраюць і льнотрасту. На некаторых палях уборачная ўжо перайшла ў пасяўную. Напрыклад, ужо завершана сяўба азімага рапсу.