У Беларусі намалацілі больш за 4 мільёны тон збожжа

Ёсць і першая вобласць-мільянер. На рахунку Мінскага рэгіёна мільён 54 тысячы тон збожжа. Па тэмпах наперадзе па-ранейшаму Брэстчына. Тут сабралі 874 тысячы тон і ўжо выйшлі на фінішную прамую - засталося асвоіць усяго 12 працэнтаў плошчаў. На рахунку Гродзенскай вобласці 792 тысячы. Амаль нараўне ідуць Гомельская і Віцебская. Сярэдняя ўраджайнасць па краіне 27,5 цэнтнера з гектара.